Job opportunities

Ydych chi’n greadigol, yn frwdfrydig am gyfryngau digidol ac yn awyddus i helpu brand Cymreig llwyddiannus i dyfu?

Mae Adra yn chwilio am unigolyn i arwain ar waith marchnata a chyfathrebu’r busnes, gan greu cynnwys Cymraeg a Saesneg ar gyfer y cyfryngau cymdeithasol, y wefan, cylchlythyrau ac ymgyrchoedd marchnata. Bydd y rôl yn cynnwys adrodd stori Adra, datblygu syniadau creadigol newydd, creu ffotograffiaeth a fideo, a helpu i dyfu presenoldeb digidol y brand. Mae hwn yn gyfle i weithio'n agos gyda thîm bach cyfeillgar a chwarae rhan ganolog yn natblygiad busnes Cymreig annibynnol sydd wedi adeiladu enw cryf ledled Cymru ac ar-lein.

Prif gyfrifoldebau

·  Cynllunio a rheoli calendr cynnwys ar draws cyfryngau cymdeithasol, y wefan, cylchlythyrau e-bost ac ymgyrchoedd marchnata.

·   Creu cynnwys Cymraeg a Saesneg sy’n adrodd stori Adra, yn amlygu cynnyrch ac yn cadw llais y brand yn gyson.

·   Tynnu a golygu ffotograffau a fideos, ac ysgrifennu disgrifiadau cynnyrch i cefnogi gwaith e-fasnach y busnes.

·   Datblygu syniadau creadigol ar gyfer ymgyrchoedd, lansiadau cynnyrch, dathliadau a digwyddiadau.

·   Cadw golwg ar berfformiad cynnwys ac ymgyrchoedd, gan ddefnyddio data i gryfhau’r hyn sy’n gweithio.

·   Cefnogi gwasanaeth cwsmeriaid, gwaith dyddiol y siop a phrosiectau arbennig fel rhan o dîm bach mewn busnes prysur.

Manylion

Cyflog: £28,000-£32,000 pro rata

Oriau: 4 diwrnod yr wythnos (gyda’r posibilrwydd o’u hymestyn yn y dyfodol, neu eu rhannu dros 5 diwrnod)

Lleoliad: Parc Glynllifon ger Caernarfon

Dyddiad cau: 19 Awst 2026

I weld y Swydd Ddisgrifiad ac i lenwi Ffurflen Gais, cliciwch ar y botwm 'Ymgeisiwch Yma' isod.

As a proud Welsh business, Adra is seeking someone who can create engaging content and communicate confidently in both
Welsh and English. Welsh language skills are therefore essential.