Parc Glynllifon - cartref Adra
Mae Adra wedi'i leoli ym Mharc Glynllifon, parc gwledig gan Gyngor Gwynedd. Siop Adra hefyd yw derbynfa'r parc - gallwch dalu ffi mynediad ar gyfer y gerddi yn y siop neu brynu arlein yma. Rhaid prynu tocynnau dydd ar ddiwrnod yr ymweliad.
Gyda milltiroedd o lwybrau natur trwy'r coed, nodweddion hanesyddol trawiadol a cherfluniau cyfoes, mae'n le perffaith i ddod am bicnic ymlaciol, i ddod am dro hamddenol neu i dreulio amser gyda'r teulu. Os oes gennych gi, os ydych yn hoff o fyd natur, yn lonciwr neu'n blentyn chwilfrydig - mae rhywbeth i bawb yma.
Pethau i'w gweld a'u gwneud:
- Llwybr coed sy'n nodi 50 o rywogaethau gwahanol
- Helfa drysor a thaflenni gweithgaredd i blant
- Cwrs cyfeiriannu
- Arddangosfa hanesyddol am blas ac ystâd Glynllifon
- Injan stêm hanesyddol
- Caffi, gweithdai creft, digon o le parcio am ddim ar gyfer bysus a cheir.
Dewch i fwynhau awyrgylch arbennig hen erddi pleser y plasty. Mae gerddi parc Glynllifon yn erddi rhestredig Gradd Un ac yn Safle o Ddiddordeb Gwyddonol Arbennig. Maent yn gartref i beth o'r fflora a'r ffawna mwyaf prin yn y wald, i ddetholiad amrywiol o goed a phlanhigion egsotig ac i sawl rhywogaeth o fywyd gwyllt prin. Yma ac acw yn y gerddi fe welwch ffoleddau sy'n dyddio'n ôl i'r ddeunafwd ganrif ynghyd â cherfluniau a gosodiadau cyfoes.
Oriau agor a ffioedd mynediad:
Ar agor drwy'r flwyddyn
Dydd Llun-Sadwrn 10am-5pm
Dydd Sul 11am-4pm
Mae gan aelodau'r parc (Ffrindiau Parc Glynllifon) fynediad i'r Parc bob dydd drwy gydol y flwyddyn.
Oedolion £6
Plant £4
Plant dan 3 £0
Defnyddwyr cadair olwyn £4
Mynediad teulu am ddiwrnod (2+2) £16
Aelodaeth o'r parc:
Oedolyn £30
Plentyn £20
Defnyddwyr cadair olwyn £20
Teulu (2+2) £50
Ariennir y gwaith o gynnal a chadw'r gerddi hanesyddol yn gyfan gwbl o'r ffi mynediad - diolch am eich cefnogaeth! Mae mynediad i'r siop, y caffi a'r gweithdai yn rhad ac am ddim.
Am wybodaeth llawn ewch i: parcglynllifon.cymru
Gweinyddir tocynnau mynediad i Barc Glynllifon gan Adra (Cymru) Cyf ar ran Cyngor Gwynedd. Nid oes gan Adra unrhyw gyfrifoldeb dros reolaeth na gwaith cynnal a chadw'r parc.
Lleoliad:
Mae Parc Glynllifon ger pentref Llandwrog, fymryn oddi ar brif ffordd yr A499 rhwng Caernarfon a Phwllheli.
Parc Glynllifon, Ffordd Clynnog, ger Caernarfon, Gwynedd, LL54 5DY
parcglynllifon@gwynedd.gov.uk